मी तर तिच्या ठायी ठायी

होती तिजला जास्तच घाई

प्रेम बहुधा होते माझे..

पण तिची ती लगीनघाई

गरुडभरारी माझी होती

पण तिची सागरनिळाई

बुडून मेलो मी तर दोस्ता

ती तर चांदण्या हसत राही...

---संदीप उभळकर

$$$$एक तुकडा$$$$

मनात अजूनही तुच आहेस

माझं जगणं जगलोय कधीच,उरलेली फक्त तुच आहेस

शब्द फसवे नव्हते गं,उत्तर होते ते "अपुले"

वादळ ते नव्हतेच गं,स्वप्नवारे होते "अपुले"

ज्या वळणावर सोडलंस मला,डोळे होते त्याच वाटेकडे

तुच निघून गेलीस कदाचित..पाठ होती ज्या हाकेकडे

तु चालत निघून गेलीस तुझे चंद्र गोळा करत...

नकळत तेव्हा तु गेलीस.."अपुल्या"चंद्रांचे भविष्य तुडवत

तुझं ह्रुदय रक्तबंबाळ झालयं माहीत आहे मला

माझ्या मनावरले घाव "ते" सोसतयं हेहि माहीत आहे मला..

तुला वाटतयं एक तुकडा अजूनही खुपतोय "जिथे"..

का गं तुला कळत नाही..

तो बोलतोय आजही तुला

मी वाट बघतोय अजूनही "तिथेच"...

------संदीप उभळकर

@@@@तुझं मन@@@@

तुझं मन मेलं गं..माझं कसं मारू???

जे नाहीच माझ्याकडे..त्याचा अंत कसा पाहू

चंद्र चांदणी अजूनी तिथेच,अन नयनातील अबोल श्वास

येशील पुन्हा बहर बनूनी,मनी मात्र एकच ध्यास..

काळीज तुझे ते त्या सरणावर..मी तरी मग कसा जगू?

गणित हेच उरात अजूनी ....

आपल्या उरल्या चंद्रांचे काय करू???

---संदीप उभळकर

#######आशा##########

आशा
आशेच्या खळ्यात मीही वाहलो

पापण्यांवरची स्वने फुलवत राहिलो...

उशीराने कळले ..तो मळा होता बाभळीचा

मुळं खोल नव्हतीच ..तो लळा होता पालवीचा

हरलो होतो तोवर मी अन लाख जखमा कानांवर
सहन करता करता आली स्वप्नफुले गालांवर
सज्ज झालो लढाया मग हाती तुकडे हॄदयाचे
असण्या आणि नसण्यामध्ये अंतर पुन्हा नवीन खळ्याचे....
---संदीप उभळकर